Skip to content

Main…..Muhaajir

Har Taraf Shor Hai, Mere Bheetar Aur Baahar,
Kya Paaya Dushton Ki Duniya Mein Aakar?

Nafrat Ki Paghdandiyon Par Chalta Hoon,
Irshya Ki Agni Mein Raakh Main Jaltaa hoon.

Krodhit Hoon, Kapti Hoon, Kaayar Hoon, Kaafir,
Meri Hi Basti Mein Main Hoon…..Muhaajir!

Tum hi to meri…..Zindagi

De naa sakaa main kabhi koi khushi,
Bas pyar hi tha raha, jo dil mein hi.

De naa sakaa main kabhi koi khushi,
Bas pyar hi tha raha, jo dil mein hi.

Lele ya thhukrade, naa kuch bolu main,
Dil ke yeh dardon ko kabhi na kholu main.

Kyun ki,

Tum chain dil ki,
Tum hi har khushi,
Tum hi to meri….Zindagi!

Chaahnewaale tere kai hai sanam,
Isliye tujhse kabhi na keh sake hum.

Chaahnewaale tere kai hai sanam,
Isliye tujhse kabhi na keh sake hum.

Kahunga naa main yeh raaz kisiko,
Chaahe tu dede apna haath kisiko.

Kyun ki,

Tum chain dil ki,
Tum hi har khushi,
Tum hi to meri….Zindagi!

Chhupne de…

Chhupne de mujhe teri gesuon mein, teri zulfon ki chhaaon mein,

Khone de mujhe teri aankhon mein, tere sapno ke gaon mein.

Chhupne de mujhe teri gesuon mein, teri zulfon ki chhaaon mein,

Khone de mujhe teri aankhon mein, tere sapno ke gaon mein.

Dhadkano mein rehne de, thoda sa pyar karne de.

Dhadkano mein rehne de, thoda sa pyar karne de.

Tanhaan kabhi raahon mein miloon, dekhoon tujhe khoya rahoon,

Bole nazrein aap-aap mein, chup tum raho, chup main rahoon.

Tanhaan kabhi raahon mein miloon, dekhoon tujhe khoya rahoon,

Bole nazrein aap-aap mein, chup tum raho, chup main rahoon.

Ishq-ishq Ishaaron mein, thoda ikraar karne de.

Dhadkano mein rehne de, thoda sa pyar karne de.

Ghumkar hazaaron baaghon mein, chuna hamne ek kali ko,

Hamko chaahe laakh hasinaye, chahaa hamne bas tumhi ko.

Ghumkar hazaaron baaghon mein, chuna hamne ek kali ko,

Hamko chaahe laakh hasinaye, chahaa hamne bas tumhi ko.

Pagal iss deewane ko, thoda izhaar karne de.

Dhadkano mein rehne de, thoda sa pyar karne de.

Chhupne de mujhe teri gesuon mein, teri zulfon ki chhaaon mein,

Khone de mujhe teri aankhon mein, tere sapno ke gaon mein.

Chhupne de mujhe teri gesuon mein, teri zulfon ki chhaaon mein,

Khone de mujhe teri aankhon mein, tere sapno ke gaon mein.

Dhadkano mein rehne de, thoda sa pyar karne de.

Dhadkano mein rehne de, thoda sa pyar karne de.

Tum hi mera sahaara ho….

Palkon mein apni band rakhoon main,

Baahon mein apni kaid karoon…

Jaane naa doon main, rokoon main rokoon,

Udhne naa doon main…kisi panchhi ki tarah tumhein…

Chhupake rakhoon apne dil mein,

Tum to meri dhadkan ho…

Sajaakar rakhoon apni aankhon mein,

Tumhi mera sahaara ho…

Mann Mein tumhein basa rakhoon main,

Aankhon mein apni uljha rakhoon…

Behka rahoon main, Khoya rahoon main,

Teri dhadkan ke…har ek dhun mein dooba rahoon…

Chhupake rakhoon apni dil mein,

Tum to meri dhadkan ho…

Sajaakar rakhoon apni aankhon mein,

Tumhi mera sahaara ho…

Yaadon ki galiyaan ghoomtey huye…

Yaadon ki galiyaan ghoomtey huye,

Kuch palon se mulaqaat huyi,

Beetey waqt ke pehlu mein chhupi,

Un lamhon se jab baat huyi…

Nazar aayi ek dhundhli tasveer,

bachpan ki mere aangan ki,

Dhoop mein tapti baagon ki,

Chhaaon bhari Maa ke daaman ki…

Hauley se jab aankhein bhar aayi,

Dheere se woh tasveer saaf huyi,

Beetey waqt ke pehlu mein chhupi,

Un lamhon se jab baat huyi…

Kadi dhoop mein khelne nikalta tha jab,

Takti rehti thi maa ki nazrein,

khelte-khelte shaam hoti jab,

Khelte-khelte shaam se guzrein…

Paate Maa ko dar par khade,

Ghar pohoncha main jab raat huyi,

Beetey waqt ke pehlu mein chhupi,

Un lamho se jab baat huyi…

Kaise jiyoon….

Sirf teri yaadein lekar, zindagi kaise jiyoon, kaise jiyoon,

Sirf teri yaadein lekar, zindagi kaise jiyoon, kaise jiyoon,

Chaahoon bahut bhoolana tujhko, magar bhoola naa sakoon.

Sirf teri yaadein lekar, zindagi kaise jiyoon, kaise jiyoon.

Pyar karna khataa nahin, sazaa phir di kyun hamein,

Pyar karna khataa nahin, sazaa phir di kyun hamein,

Maanga tumko apne dil se, tum hi meri tum hi meri.

Sirf teri yaadein lekar, zindagi kaise jiyoon, kaise jiyoon.

Tujhe yaad karke, aansu piyoon, roke jiyoon,

Tujhe yaad karke, aansu piyoon, roke jiyoon,

Khuda se tujhe dua mein maangoon, sajde karoon, binti karoon.

Sirf teri yaadein lekar, zindagi kaise jiyoon, kaise jiyoon.

Sirf teri yaadein lekar, zindagi kaise jiyoon, kaise jiyoon,

Chaahoon bahut bhoolana tujhko, magar bhoola naa sakoon.

Sirf teri yaadein lekar, zindagi kaise jiyoon, kaise jiyoon.

Kaise jiyoon, kaise jiyoon, kaise jiyoon.

Teri yaadein…

Teri yaadein sataati hai mujhe, Teri yaadein jalaati hai mujhe,
Har pal, har chhin, har din, Har ek raatein sabhi…

Pyar karke ab main tujhse kahaan jaaun,
Kehna chahoon kitna, par keh naa paaun,
Kat jaayegi zindagi yeh tera naam japtey,
Reh jaaunga haathon par bas naam tera likhte…

Teri yaadein sataati hai mujhe, Teri yaadein jalaati hai mujhe,
Har pal, har chhin, har din, Har ek raatein sabhi…

Tu bhi to samajhti nahin kabhi bhi,
Mere dil ki bhasha aur in aankhon ka ishaara,
Jaankar bhi anjaani kyun ban rahi hai tu, shayad,
Mere pyar ka imtehaan le rahi hai tu…

Teri yaadein sataati hai mujhe, Teri yaadein jalaati hai mujhe,
Har pal, har chhin, har din, Har ek raatein sabhi…

Follow

Get every new post delivered to your Inbox.